أنا مديح… الناس بيقولوا عليا الشيخ مديح، وأنا ولا شيخ ولا أي حاجة. ورثت الضريح ده، الحاجة الوحيدة اللي ورثتها من اللي خلفوني. المفروض كنت هأتدفن هنا، بس عشت وسط الجثث لأن ماكانش ليا مكان تاني. حياتي اتغيرت يوم جهلي “الشيخ اللي مش شيخ” واداني كتاب ملعون، وقاللي: نفذ الوصايا وهتدوق النعيم.

فتحت الكتاب، صفحة ورا صفحة، أوامر بسيطة… وكل أمر ينفذ، سواد وخنقة جوه قلبي تكبر، لحد ما نفذت آخر أمر. فتحت المقبرة، طلعت عضم، رسمت نجمة على الأرض، حرقت طير… واتحبست روحي هنا، واتلبست بروح ماعرفتهاش. روح بتأذي البشر، تجذبهم للضريح، تاخد أرواحهم وتحرق جثثهم.

اللي جاي، واضح دلوقتي: أنتوا هنا مصيركم الموت. مفيش حاجة تنقذكم إلا لو قبضتوا على روحي وخدتوا مفتاح الضريح. معاكم ساعة واحدة تاخدوا فيها قراركم وتنفذوه… بعدها، ماتلومونيش على اللي هيحصل.